බකමූණාගේ කසාදේ

බකමුණා ගෙ හැසිරීම් එන්න එන්නම වෙනස් විය.මෙය ඔහුගේ බිරිදට බොහෝ වේදනා ගෙන දෙන්නක් විය.ඉවසා සිටිය නොහැකි ඈ ඔහුට ලන් වී සෙනෙහසින් කතා කලාය.
“ඇයි ..ඔයා කනස්සල්ලෙන් ඉන්නේ …මොකක් හරි අසනීපයක්ද….”
“නෑ එහෙම දෙයක් නෑ….”
“එහෙනම් මා එක්ක තරහක් ද …..”
බකමූනු තෙමෙ එය නැතැයි කියන්නට හිස සැලීය….
“හ්ම්….”
“හ්ම්….”
බකමුණා ඉවතට පියබා ගියේය ….
පසු දිනෙක බක මූනිය මුන ගැසීමට ඇගේ යෙහෙළියක් පැමිනියා ය…
“ඔයා කොහොමද මේකට කැමැත්ත දුන්නේ …”
” කුමකටඩ?”
“නුබේ ස්වාමි යාට තවත් බිරිඳක් කැන්දන් එන්න ….වෙන කෙනෙකුත් නොවෙයි නුබේ ම නැගනියයි…”
“අනේ දෙවියනේ…මා මේ කිසිවක් දන්නෙ නැ…ඔහු මේ දිනවල බොහොම කල්පනා බරව කනස්සල්ලෙනුයි ඉන්නේ ….රාත්‍රියේ මා සමග දොඩමළු නොවේ…”
කලබලයට හා දුකට පත් බකමූණිය තම සැමියා සොයා ගියාය.
ඇය කිසිම වෙනසක් නොපෙන්වා හිමීට අත් තටුවක් පිරී මදින අතර සිහින් හඩින් කතා කලා..
“මගෙන් අඩු පාඩුවක් උනාද නැගනිය කැන්දන් එන්නේ …….”
“නෑ සොදුර….”
“එසේ නම් ඇයි …..”
බකමූණිය හඩන්නට විය.සැමියා ගෙ හදවත රිදිනි. .හිමිහිට බිරිඳ ලන් කරන් මෙලෙස පැවසීය.
“හැමදාම මන් හ්ම් කිවුවා ම නුබ ත් හ්ම් ගානවා…මේ ඒකාකාරි ජීවිතේ හරිම නීරසයි…..මන් හ්ම් කියද්දී නුඹ ලා දෙදෙනා දෙපැත්තේ සිට හ්ම්…හ්ම්…යැයි පවසන විට මට සතුටක් දැනේවි …”
“ඇයි එයට ඔබ තවත් බිරිඳක් ගෙනෙන්නෙ…..මන් නුඹ වෙනුවෙන් දෙවරක් හඩන්නම් ….ආදරෙ වෙනුවෙන් මට කල නොහැකි පරිත්‍යාගයක් නැ හැ….”
සතුටට පත් බකමුණා දෙවන විවහය නවතා තම බිරිඳ සමග සතුටින් ජීවත් උනා…එදා සිට අද දක්වාම බකමුණා එක වරක්
“හ්ම්”
කියූ විට එයට දෙවරක් පිලිතුරු ලැබෙන බව රාත්‍රියේ නිහඬ බව තුල ඔබ සවන් යොමා සිටියොත් ඇසෙනු ඇත…
**
පසු වදන……
විවාහ ජීවිතේ දී දෙදෙනා එක්ව යමකට පිලිතුරු සොයයි නම් පිලිතුරු ලගම තිබෙන අතර බොහෝ සුන්දර ද වනු ඇත.එයින් ගෘහ ජීවිතේ ප්‍රශ්න ලේසියෙන් විසදි ප්‍රීතිමත් සාර්ථක ගමනක් යා හැකි වන්නේමය ….